ԱՄՆ պետքարտուղար Անտոնի Բլինկենը զանգահարել է Ադրբեջանի նախագահ Իլհամ Ալիևին: Այս մասին հայտնում են ադրբեջանական լրատվականները։
Կողմերը քննարկել են ադրբեջանա-հայկական հարաբերությունների կարգավորման գործընթացը։ Պետքարտուղարը նշել է Հայաստանի և Ադրբեջանի շարունակական առաջընթացը խաղաղության համաձայնագրի ուղղությամբ և ընդգծել նման համաձայնագրի շուտափույթ կնքման կարևորությունը։ Նա Ալիևին կոչ է արել կատարել մարդու իրավունքների ոլորտում իր միջազգային պարտավորությունները և հնարավորինս շուտ ազատ արձակել բոլոր անարդարացի ձերբակալվածներին:
