Իրավաբան Ռոբերտ Հայրապետյանն իր ֆեյսբուքյան էջում գրում է.
«Առողջապահության վայ-իրավաբան նախարար Ավանեսյան Անահիտը հայտարարել է. «Ոստիկանությունը գործել է համաչափ, իրավաչափ և իրականացրել է իր պարտքը»։
Այս կինը, ով նախարար նշանակվելուց առաջ հոխորտում էր, որ իր իրավաբան լինելը բացառապես օգնելու է գրագետ աշխատանքին, նշանակման օրվանից ի վեր պարբերաբար աչքի է ընկնում անցողիկ համընդհանուր (գլոբալ) ամնեզիայով։
Նրա այս հայտարարությունը ևս ամնեզիայի սրացման հետևանք է։
Հիշողության թարմացում՝ տիկնոջ համար
ՀՀ առողջապահության նախարարի՝ 20.04.2012 թվականի «Մարդու նկատմամբ գործադրվող հատուկ միջոցների կիրառման համար թույլատրելի չափանիշները սահմանելու մասին» N 09-Ն հրամանի 3-րդ կետի համաձայն՝ «Զարյա» լուսաձայնային նռնակի կիրառման թույլատրելի չափանիշներն են` գործարկումը միայն բաց տեղանքում` մարդուց նվազագույնը 2,5 մետր հեռավորության վրա:
Բաղրամյան-Դեմիրճյան խաչմերուկում ոստիկանների ակնհայտ ապօրինի և ոչ համաչափ գործողությունների հետևանքով պայթել է 32 հատ «Զարյա» լուսաձայնային նռնակ։
Տարբեր աստիճանի վիրավորում է ստացել շուրջ չորս տասնյակ քաղաքացի։
Անահի՛տ, այսքանից հետո կարող եմ պնդել, որ դու չես տիրապետում քո ոլորտի օրենսդրությանը, որ դու անգրագետ ես և/կամ վտանգավորության աստիճանի միտումնավոր տառապում ես կարճամտությամբ։
Անցած գիշեր հնչել են կրակոցներ, հայտնաբերվել է 26-ամյա տղայի մարմինը` հրազենային վնասվածքներով, և 30-ից ավելի կրակված պարկուճներ։
Սպանվածը Մհեր Խաչատրյանն է։ Նա մասնակցել է արցախյան քառօրյա և 44–օրյա պատերազմներին։
Նախնական տեղեկություններով` սպանության պատճառ է դարձել նրա արած դիտողությունը երեխաներով լի փողոցում մեքենան արագ վարելու վերաբերյալ։
