Քաղաքապետ Տիգրան Ավինյանն առաջարկում է որոշակի փոփոխություններ կատարել Երևանի ՏԻՄ օրենքում, որոնք վերաբերում են մասնավորապես վթարներին։
«Հիմնական խնդիրն այն է՝ երբ ավտոմեքենաները բախվում են, նույնիսկ եթե շատ ծանր բախում չի, ահռելի խնդիր է առաջանում՝ երկար հերթով: Ասենք՝ մինչև 200-250 հազար դրամի վնասի դեպքում միլիոնավոր դրամների բենզին է վատնվում դրա համար։ Առավելագույն ժամկետը, որ այդ ավտոները պետք է հեռացվեն՝ 15 րոպեն է։ Պետք է հասկանալ նաև՝ դրան զուգահեռ որևէ այլ մեխանիզմ պե՞տք է ստեղծել, թե՞ ոչ»,- Երևանի քաղաքապետարանում գործակարգավարական նիստի ժամանակ ասաց քաղաքապետ Տիգրան Ավինյանը։
Նրա խոսքով՝ հասկանալի են նաև ապահովագրական ընկերությունների խնդիրները, սակայն պետք է այդ բոլոր թերությունները վերացվեն: «Կարծում եմ հասկանալի է ապահովագրական ընկերությունների խնդիրները, բայց ինձ թվում է մենք միակ երկիրն ենք, որ նման շռայլություն է թույլ տալիս, երբ պետք է բոլորս սպասենք, որ պարզվի օրինակ՝ մինչև 233 հազար դրամի վնաս է պատճառվել»,- ասաց քաղաքապետը։
Ավինյանը նշեց նաև, որ խոսքը այն պատահարների մասին է, որոնք չեն ենթադրում զոհեր ու լուրջ կորուստներ:
«15 րոպեն այն առավելագույն ժամկետն է, որի ընթացում մեքենաները պետք է դուրս գան ճանապարհային երթևեկելի հատվածից» ,- ևս մեկ անգամ շեշտեց Տիգրան Ավինյանը
