ԵՄ-ին անդամակցելու հայտի վերաբերյալ խորհրդարանական լսումների ժամանակ «Հանուն հանրապետության» կուսակցության նախագահ Արման Բաբաջանյանն Ազգային ժողովի ամբիոնից Եվրամիության դրոշը կախեց։
Եվրոպական վեկտորի ամենակարկառուն երկրպագուներից մեկն իր հետ էր բերել նաև կալոշ, որը հանեց և օդում թափահարելով՝ ասաց. «Սա խորհրդանշում է մեր փողոցներում վերջին օրերին հետադիմական, նաև արտաքին քաղաքական այն խայտառակությունը, որը մեզ ուզում է տանել դեպի մահ, կործանում։ Այս թունավոր միջավայրից մեզ ազատում է պետք, և այդտեղ երկու կարծիք չի կարող լինել։ Սա պետք է ուղղակի շպրտվի մեր իրականությունից»,-ասաց նա և ի նշան ԵՄ աջակցության՝ ԱԺ ամբիոնից կախեց ԵՄ դրոշը. «Որպեսզի ավելի պատկերավոր ու ճիշտ լինի այս քննարկումը, կուզեմ՝ այս ամբիոնից կարողանանք այս դրոշի ներքո անցկացնել այս քննարկումները։ Կարծում եմ՝ շատ ավելի գեղեցիկ և պատկերավոր կլինի»,- եզրափակեց նա և դրոշի վրա դրեց կալոշը. «Էս էլ կալոշը»։
Դահլիճից հնչեցին ծափահարություններ…
