«Եվրոպական Միությանը Հայաստանի միանալու հարցով հանրաքվեի» թեման որևէ մեկի դեմ ուղղված չենք արել, մեր նպատակն ազնիվ է՝ միմիայն օգնել ՀՀ-ին և ՀՀ իշխանություներին այս միջակայքը բարեհաջող հաղթահարելու համար. «Եվրոպական Միությանը Հայաստանի միանալու հարցով հանրաքվեի» թեմայով հրավիրված համաժողովին ասաց «Հանրապետություն» կուսակցության ղեկավար Արամ Սարգսյանը։ Նա հանրաքվեի գաղափարը նույնիսկ համեմատեց Հայաստանի անկախության հանրաքվեի հետ:
«Հանրաքվեի տարբերակը մենք, որ առաջարկում ենք ՀՀ ժողովրդին, 1991 սեպտեմբերի 21-ին անկախության հանրաքվեին համազոր գործընթաց է, որը լրացնում է այդ հանրաքվեն»,-ասաց նա և նշեց, որ այս հարցը պետք է լայն հանրության քննարկման նյութ դառնա։
«Այս նախաձեռնությունները որևէ վնաս չեն կարող տալ այն գործընթացներին, որոնք սկսել ենք»,-հավելեց նա
Նշենք, որ ԱԺ-ում լսումներ են ընթանում Հայաստանի` ԵՄ անդամակցության հայտ ներկայացնելու հարցով հանրաքվե անցկացնելու առաջարկի շուրջ։ «Ժողովրդավարական ուժերի հարթակը», որի նախաձեռնությամբ էլ իրականացվում են խորհրդարանական այս լսումները, ըստ Արամ Սարգսյանի՝ շատ են շտապում: Արևմտամետ քաղաքական ուժերը մտադիր են կոչով դիմել իշխանություններին, որպեսզի Եվրոպական միության անդամության հայտ ներկայացնելու հարցով հանրաքվեն անցկացվի 3-4 ամսվա ընթացքում:
