ԱՄՆ նախագահի ընտրություններում հաղթանակի դեպքում Դոնալդ Թրամփը Մոսկվայի եւ Կիևի հետ կքննարկի ուկրաինական ճգնաժամի կարգավորումը, որպեսզի իր երկիրը կարողանա կենտրոնանալ Չինաստանին դիմակայելու վրա։ Այս մասին հայտնել է ԱՄՆ նախագահի Հանրապետական կուսակցությունից փոխնախագահի թեկնածու, Օհայոյի նահանգից սենատոր Ջեյմս Դեյվիդ Վենսը Fox News հեռուստաալիքի հարցազրույցում։
Նա նշել է, որ Թրամփը բանակցություններ կվարի Մոսկվայի և Կիևի հետ, որպեսզի «որքան հնարավոր է շուտ ավարտի հակամարտությունը, իսկ Ամերիկան կարողանա զբաղվել իսկական խնդրով, որը Չինաստանն է»։ «Նա (Չինաստանը) ամենամեծ սպառնալիքն է մեր երկրի համար»,- հայտնել է Վենսը՝ տրտնջալով, որ ԱՄՆ իշխանությունները չափից շատ են զբաղված այլ խնդիրների լուծմամբ՝ Չինաստանի վրա կենտրոնանալու փոխարեն»։
Հուլիսի 15-ին Թրամփը հայտարարել է, որ փոխնախագահի թեկնածու է ընտրել 39-ամյա հանրապետական սենատոր (Օհայոյի նահանգից) Ջեյսմ Դեյվիդ Վենսին։ Վերջինն աշխատում է Կոնգրեսի Սենատում 2023թ. հունվարից։