Հայաստանում 1100 քաղաքացիների շրջանում հարցում է կատարվել՝ «Հայաստանը պե՞տք է շարունակի անդամակցությունը ՀԱՊԿ-ին, թե՞ պետք է ձգտի անդամակցել ՆԱՏՕ-ին»։
Հուլիսի 3-6-ն ընկած ժամանակահատվածում կատարված հարցման ընթացքում 44.3 տոկոսը պատասխանել է, որ պետք չէ ոչ մի կառույցի անդամակցել և պետք է լինել չեզոք երկիր։
«16.9 տոկոսը պատասխանել է, որ պետք է շարունակել անդամակցել ՀԱՊԿ-ին, իսկ 29 տոկոսը կարծում է, որ պետք է ձգտել անդամակցել ՆԱՏՕ-ին»,- լրագրողների հետ հանդիպման ժամանակ ասաց «Gallup» միջազգային հետազոտական կենտրոնի հայկական գրասենյակի տնօրեն Արամ Նավասարդյանը։
Այս հարցը նաև փետրվարին իրականացված հարցման ընթացքում է տրվել քաղաքացիներին։
Ըստ Նավասարդյանի՝ փետրվարին իրականացված հարցման համեմատ՝ ունենք նվազում ՀԱՊԿ-ին անդամակցության հետ կապված։
«Հիմա ավելի քան 10 տոկոսով պակաս մարդ է կարծում, որ պետք է շարունակել անդամակցությունը ՀԱՊԿ-ին։ ՆԱՏՕ-ին անդամակցության վերաբերյալ դրական վերաբերմունքը աճել է 7 տոկոսով»,- նշեց նա։