Արցախից բռնի տեղահանված անձանց բնակարանային ապահովման ծրագրի արդյունավետ կիրարկման, կառավարման անհրաժեշտ գործիքակազմի ներդնման և մարդկային կարողությունների զարգացման նպատակով հուշագիր է ստորագրվել Աշխատանքի և սոցիալական հարցերի նախարարության ու ԱՄՆ Միջազգային զարգացման գործակալության «Տնտեսական հիմքեր՝ հանուն դիմակայուն Հայաստանի» ծրագիրն իրականացնող CNFA ընկերության միջև։
«Հպարտ եմ ականատես լինել ԱՄՆ ՄԶԳ «Տնտեսական հիմքեր հանուն դիմակայուն Հայաստանի» ծրագրի և Աշխատանքի և սոցիալական հարցերի նախարարության միջև կարևոր գործընկերության մասին համաձայնագրի ստորագրմանը»,- նշել է ԱՄՆ Միջազգային զարգացման գործակալության Եվրոպայի և Եվրասիայի բյուրոյի ղեկավար Էրին Մըքին։
«Այս համագործակցությունը նշանավորում է 4 միլիոն դոլար բյուջեով մեր նախաձեռնության մեկնարկը՝ տեղահանված անձանց կայուն բնակարանային լուծումներ տրամադրելու նպատակով»,- ասվում է հաղորդագրությունում:
