Մինսկը հանգիստ է վերաբերվում ՀՀ վարչապետ Նիկոլ Փաշինյանի իմպուլսիվ հայտարարություններին: Այս մասին հայտարարել է Ռուսաստանում Բելառուսի դեսպանատան խորհրդարանական-դեսպանորդ Ալեքսանդր Շպակովսկին: «Առաջվա պես հարգում ենք եղբայրական հայ ժողովրդին, որի հետ Բելառուսը կապում է դարավոր պատմական կապերը»,- գրել է նա Telegram-յան ալիքում:
Շպակովսկին ընդգծել է նաև, որ Բելառուսը «չի միջամտում Հայաստանի ներքաղաքական գործընթացներին, ինչպես նաև Երևանի արտաքին քաղաքականության ոլորտին»։
«Ելնելով փոխադարձության սկզբունքից՝ մենք ակնկալում ենք նմանատիպ մոտեցումներ մեր գործընկերներից և դաշնակիցներից, ուստի որոշ տարակուսանքով հետևում էինք Հայաստանի ղեկավարության ներկայացուցիչների շփումներին բելառուս քաղաքական ծայրահեղականների առաջնորդների հետ»,- նշել է դիվանագետը։
«Միևնույն ժամանակ, գործընկերների և դաշնակիցների ընտրությունը պաշտոնական Մինսկի ինքնիշխան գործն է, և այս դեպքում մեզ համար անընդունելի է «կամ-կամ»-ի մոտեցումը: Մենք եղբայրական Ադրբեջանի հետ շփվել ենք և կշարունակենք համագործակցել բոլոր ոլորտներում, այդ թվում՝ ռազմատեխնիկական»,- ընդգծել է Շպակովսկին։
