Գերմանիայից եկած ահազանգը (փախստականի կարգավիճակ ստանալու համար Գերմանիայի Միգրացիոն ծառայությունը իրենց ծննդավայրը «Հայաստան, Ադրբեջան է» գրվում) ստանալուց հետ ABC media-ն հարցում ուղարկեց Արտաքին գործերի նախարարությանը։ Գերատեսչությանը ներկայացվել է փոխանցված փաստաթուղթն ու պարզաբանում պահանջվել։ Հարցմանն ի պատասխան նախարարությունը նշել է․
«Ներկայացված փաստաթուղթը նախնական գնահատմամբ հանդիսանում է ԳԴՀ միգրացիայի և փախստականների դաշնային գրասենյակի կողմից քննվող՝ ապաստան հայցող անձի հարցազրույցի (լսումների) արձանագրություն, որի միայն առաջին էջն է ներկայացված, հետեւաբար, ոչ ամբողջական տեղեկատվության պատճառով հնարավոր չէ պարզել տվյալ անձի հնարավոր առնչությունն այլ պետության հետ: Հարկ է նշել, որ ապաստան հայցելու գործընթացի վերաբերյալ տեղեկությունները գաղտնի են պահվում անձի քաղաքացիության (ծագման) երկրից:
Միջազգային պրակտիկայի համաձայն, ապաստան հայցող անձի գործում (տվյալներում) իր քաղաքացիության (ծագման) երկրից բացի այլ երկիր կարող է նշվել այն դեպքում, երբ վերջինս իր ապաստանի հայցում նշել է այլ պետության հետ կապված տվյալներ կամ ներկայացրել է այլ պետության հետ կապված փաստաթղթեր։ Հետեւաբար, յուրաքանչյուր գործի պարագայում, նախեւառաջ տվյալ քաղաքացին կարող է պատասխանել այն հարցին, թե ինքն ապաստան հայցելիս ինչ է պատմել այդ երկրի իրավասու մարմիններին իր մասին և ինչ պատճառաբանություններ (վախեր) ներկայացրել Հայաստանի Հանրապետություն չվերադառնալու եւ այդ երկրում ապաստան ստանալու վերաբերյալ:
Ամբողջական հոդվածը կարող եք կարդալ այս հղումով:
