Այսօր կառավարության նիստում գլխավոր դատախազ Աննա Վարդապետյանն ասաց, որ անհանգստացնող վիճակագրություն կա զենքի գործադրմամբ առանձնապես ծանր հացագործությունների հետ կապված, դեպքերի աճ կա:
Վարչապետ Նիկոլ Փաշինյանն ասաց, որ երբ մեկը մտնում է ծածուկ, մի տեղից բան է գողանում, ուրիշները չեն իմանում ու առանձապես տագնապ չի առաջացնում, բայց երբ հնչում են կրակոցներ, շատերն են լսում, խոսակցությունը արագ տարածվում է ու կարող է տագնապ հարուցել.
«Այստեղ կա նաեւ այս հանգամանքը՝ մենք 44-օրյա պատերազմից հետո ունենք անհետացած զենքի մեծ քանակ: Այդ հարցը մի քանի անգամ քննարկել ենք նաեւ Անվտանգության խորհրդում, ՆԳ նապարարին տվել եմ հանձնարարականներ, որ ապօրինի զենքի փնտրտուքի հետ կապված մեթոդաբանությունը վերանայենք»:
Փաշինյանի խոսքով՝ պետք է հաշվի առնել, որ երկրում շատացել է նաեւ օրինական զենքի քանակը.
«Այստեղ ընտրության հարց կա՝ օրինական զենքը ինչքանո՞վ պիտի հանդուրժելի լինի մեզ համար: Հիմա զենք ձեռք բերելու հնարավորություններն են նաեւ շատացել: Երբ զենքով հարձակվել են մարդու վրա, ուզո՞ւմ ենք, որ ինքը օրինական զենքով պաշտպանվելու հնարավորություն ունենա, թե՞ ասում ենք՝ թող դիմի ոստիկանություն, սա քննարկման հարց է»:
Մանրամասները՝ տեսանյութում