Ես բնավ չեմ թաքցնում, որ մեր ուղին, ծրագիրը, ճանապարհը նեռին մեր երկրից հեռացնելն է, իրեն իր տեղն ուղարկելն է, Արարատի մարզի Նիզամի համայնքում հայտարարեց Բագրատ սրբազանը:
«Այդ աղետը, որը նա բերել է մեր կյանք, դրա մեջ ապրելն ուղղակի հանցագործություն է: Այսօր մենք թե՛ հայրենիքի կորստի առջև ենք, թե՛ մարդկային կյանքի, հարաբերությունների փչացած լինելու մեջ ենք գտնվում: Մի ողջ ժամանակաշրջան ապրում ենք թշնամության, ստի մեջ: Մեր առաքելությունն անընդհատ դրա մասին խոսելն է: Մենք այդպիսին չենք եղել: Ոչ ոք, ոչ մեկի նկատմամբ վստահություն չունի: Այս ամենը պետք է մեր կյանքից հեռացնենք: Պետք է սիրո ու համերաշխության մեջ ապրենք»,-նշեց նա:
Սրբազանի խոսքով՝ պայքարի տրամաբանությունն է վերադարձնել մեզ մեր ակունքներին, մեր ճշմարտությանը, մեր կյանքին, մեր երանելիությանը, մեր պատվին. «Ոչ ոք ո՛չ աթոռի ցանկություն ունի, ո՛չ պաշտոնի, ո՛չ փողի։ Մենք ոչնչի կարիք չունենք, բացի պատիվ ու հայրենիք ունենալուց»։
