Վրաստանում Իրանի դեսպան Սեյեդ Ալի Մոջանին Թբիլիսիի փողոցներից մեկում հարձակման է ենթարկվել թափառող շների կողմից, հաղորդում է Front News-ը։
Հրապարակման համաձայն՝ դեսպանը փորձել է հետ մղել շներին, բայց ընկել է և կոտրել ոտքը։
Տեղի բնակիչները նրան առաջին բուժօգնություն են ցուցաբերել և շտապօգնություն են կանչել։
Դեսպանը մի քանի օր առաջ դիվանագիտական սկանդալ Էր հրահրել 17-րդ դարում Պարսկաստանում նահատակված Վրաց Ուղղափառ Եկեղեցու ամենահարգված սրբերից մեկի ՝ Քեթևան թագուհու պատմությունը «վերաիմաստավորելու» մտադրության մասին հրապարակային հայտարարություններից հետո: Մոջանիին կանչել են Վրաստանի ԱԳՆ, որտեղ նրան հայտնել են, որ նման նախաձեռնությունները դուրս են գալիս իր մանդատի շրջանակներից և սոցիալական լարվածություն են առաջացնում հասարակության մեջ:
