Զելենսկին հայտնել է, թե որտեղ կարող է հանդիպել Պուտինի հետ

Վլադիմիր Զելենսկին կարծում է, որ Ռուսաստանի նախագահ Վլադիմիր Պուտինի հետ իր հանդիպումը կարող է տեղի ունենալ դեկտեմբերի 14-15-ը Միացյալ Նահանգներում կայանալիք G20 գագաթնաժողովի ժամանակ կամ Մերձավոր Արևելքի որևէ երկրում։

ԱՄՆ պետքարտուղար Մարկո Ռուբիոն նախկինում հայտարարել էր, որ Վաշինգտոնը Պուտինին հրավիրել է Մայամիում կայանալիք G20 գագաթնաժողովին։ Ռուսաստանի նախագահի մամուլի քարտուղար Դմիտրի Պեսկովը «ՌԻԱ Նովոստի»-ին ասել է, որ Ռուսաստանը շնորհակալ է և գնահատում է հրավերը և կքննարկի այն։

«ԱՄՆ-ն աշխատում է այս հանդիպման (Զելենսկու և Պուտինի միջև – խմբ.) վրա։ Այս հանդիպումը կարող է տեղի ունենալ Մերձավոր Արևելքի որևէ երկրում։ ԱՄՆ-ն միշտ խոսում է ԱՄԷ-ի կամ Սաուդյան Արաբիայի մասին։ Այս հանդիպումը կարող է տեղի ունենալ ԱՄՆ-ում՝ G20-ի հանդիպման ժամանակ։ Սակայն դեռևս որևէ հաստատում չկա ո՛չ Ռուսաստանից, ո՛չ էլ ԱՄՆ-ից։ Այս հանդիպումը կարող է տեղի ունենալ եվրոպական որևէ երկրում։ Ես գիտեմ, որ եվրոպացիները սկսում են կապ հաստատել միմյանց հետ այս հարցի շուրջ», — ասել է Զելենսկին Новости.LIVE-ի կողմից հրապարակված աուդիոձայնագրության մեջ։