Տոլեդոյի գնացքի աղետից հետո Իսպանիայի վարչապետ Պեդրո Սանչեսը հայտարարել է եռօրյա սուգ՝ հոկտեմբերի 29-ից 31-ը, ըստ El Plural-ի։
Վարչապետը ցավակցություն է հայտնել զոհերի ընտանիքներին և մաղթել շուտափույթ ապաքինում վիրավորներին։ Նա նշել է, որ կառավարությունը կենտրոնացած է ողջ մնացածների որոնման և զոհերին ու նրանց ընտանիքներին բժշկական, նյութական և հոգեբանական օգնություն ցուցաբերելու վրա։
Սանչեսը նաև ընդգծել է, որ կառավարությունը մտադիր է պարզել գնացքի աղետի պատճառը։
Մադրիդ-Անդալուսիա արագընթաց գծի վթարը տեղի է ունեցել հոկտեմբերի 28-ին, տեղական ժամանակով ժամը 8:54-ին՝ Մադրիդ-Սևիլիա գծի 118-րդ կիլոմետրում։ Վաթսունութ մարդ զոհվել է։
Իշխանությունները կարծում են, որ գնացքի բախման հիմնական պատճառը մարդկային սխալն է՝ ազդանշանային համակարգի խափանման պատճառով։ El País-ի տվյալներով՝ դիսպետչերը, հնարավոր է, սխալմամբ Renfe գնացքը մեկնելու թույլտվություն է տվել, չնայած որ երկաթուղին զբաղեցված էր Iryo գնացքով։
Գնացքներում եղել է 544 ուղևոր։ Renfe AVE գնացքը տեղափոխում էր 397 ուղևոր, իսկ Iryo գնացքը՝ 146: Վթարից հետո Մադրիդի և Անդալուսիայի միջև արագընթաց գնացքների երթևեկությունը դադարեցվել էր:
