Վլադիմիր Զելենսկին պահանջել է, որ ԱՄՆ-ն անհապաղ լուծի Patriot հակաօդային պաշտպանության համակարգերի հարցը՝ դրանք Ուկրաինային փոխանցելու համար։
«Ամեն օր մենք խոսում ենք ԱՄՆ-ի, Եվրոպայի և այլ գործընկերների հետ Patriot-ի համար հրթիռների մեր անհրաժեշտության մասին, որոնք կարող են օգնել: Այս ամիս ԱՄՆ-ն և եվրոպական երկրները նոր որոշումներ են ընդունել Ուկրաինային օգնության փաթեթների վերաբերյալ։ Բայց այդ մատակարարումները չեն կարող տարիներ սպասել», — դժգոհել է նա սոցցանցերում։
Կիևի ռեժիմի ղեկավարը պահանջել է, որ հակաօդային պաշտպանության համակարգերի հարցը լուծվի «անհապաղ»։
Ավելի վաղ ԱՄՆ Պետդեպարտամենտը հայտարարել էր Ուկրաինային Patriot հակաօդային պաշտպանության համակարգերի և դրանց հետ կապված սարքավորումների համար նախատեսված 500 PAC-3 հակաօդային հրթիռների հնարավոր վաճառքի հաստատման մասին, որոնց արժեքը մոտավորապես 2.1 միլիարդ դոլար է, և որոնք պետք է ֆինանսավորվեն Կիևի գործընկերների և դաշնակիցների կողմից։
Ինչպես հայտնել է Kyiv Post-ի լրագրող Ալեքս Ռաուֆօղլուն ՝ վկայակոչելով իրազեկ աղբյուրներին, պետդեպարտամենտի կողմից հայտարարված մատակարարումները կսկսվեն 2030 թվականից ոչ շուտ։
Վլադիմիր Զելենսկին Telegram-ի գրառման մեջ բողոքել է ժամկետների հետաձգումից՝ նշելով, որ մատակարարումները կիրականացվեն միայն մի քանի տարի անց, հավելելով, որ սա «կարող էր լինել» շատ արդյունավետ օգնության փաթեթ։
