ՌԴ ԱԳՆ Մարիա Զախարովան ճեպազրույցի ժամանակ պատասխանել է հարցին՝ ինչպե՞ս է Ռուսաստանը պատկերացնում Արցախի բռնի տեղահանված բնակիչների՝ իրենց պատմական հայրենիք վերադարձի հարցի լուծումը։
«Ինչպե՞ս է Մոսկվան տեսնում Լեռնային Ղարաբաղի բնակիչների հնարավոր վերադարձը իրենց տներ. կարելի է հարցնել՝ ինչպե՞ս է դա տեսնում ՀՀ վարչապետ Նիկոլ Փաշինյանը, ունի՞ որևէ ծրագիր»-, ասել է ՌԴ ԱԳՆ խոսնակ Մարիա Զախարովան և հավելել, որ Ադրբեջանն ունի նման ծրագիր, հրապարակել է այն՝ Ղարաբաղի հայ բնակչության վերադարձի առաջարկների վերաբերյալ։
«Ինչո՞ւ եք մեկ այլ պետության ներկայացուցչին հարցնում, թե ինչպես է դա տեսնում։ Ռուսաստանը ելնում է նրանից, որ 2020-ից 2022 թվականներին եռակողմ համաձայնագրերն այլընտրանք չունեն, եռակողմ պայմանավորվածությունները կասկածի տակ դնելու փորձերը վտանգավոր են,- նշել է Զախարովան։