Պարոն Կոպիրկինը խորը մոլորության մեջ է: Այս մասին լրագրողների հետ զրույցում հայտարարեց ՀՀ ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանը:
«Նա շատ սխալ տեղեկություն ու պատկերացում ունի ընդհանրապես ՀՀ-ում ԵՄ դիտորդական առաքելության մասին: Եվ ընդհանրապես, ոչ բոլոր օտար ներկայություններն են որևէ պետությունում, որ զբաղված են հետախուզական տվյալներ հավաքելով»,-ասաց Եղոյանը:
Նշենք, որ ՀՀ-ում ՌԴ արտակարգ և լիազոր դեսպան Սերգեյ Կոպիրկինը odkb-info.org-ին տված հարցազրույցում հայտարարել է, որ Հայաստանում ԵՄ առաքելությունը ոչ թե պաշտպանում է երկիրը, այլ հետախուզական տվյալներ է հավաքում։
«Հարավային Կովկասի ճակատագիրը պետք է որոշեն բացառապես տարածաշրջանի երկրները և հարևան գործընկեր պետությունները»,-ընդգծել է նա։