ՄԱԿ-ի Գլխավոր վեհաժողով 79-ի շրջանակում կայացել է Գերմանիայի և Թուրքիայի արտգործնախարարներ Անալենա Բերբոքի և Հաքան Ֆիդանի հանդիպումը, որի ժամանակ քննարկվել են հայ-ադրբեջանական հարաբերությունները:
«Թուրքիան կարևոր միջնորդ է տարածաշրջանում խաղաղության հաստատման համար: Թուրքիան կարող է նպաստել Հայաստանի և Ադրբեջանի միջև պատմական խաղաղության կայացմանը»,- գրված է Գերմանիայի ԱԳՆ-ի X-ի էջում: Միաժամանակ նշված է, որ կողմերն այդ ուղղությամբ քննարկել են կոնկրետ քայլեր:
