ԱԺ «Հայաստան» խմբակցության պատգամավոր Լևոն Քոչարյանն իր դիտարկումներն է ներկայացրել, թե ի՞նչ է անում Նիկոլ Փաշինյանը՝ պաշտոնյաներին հեռացնելով աշխատանքից։
«Փորձում է փրկել խարխլված վարկանիշը՝ հույս ունենալով, որ կկարողանա մեր ժողովրդի արդարացի բողոքն ու հիասթափությունը բարդել մորուքի նույն ճակատագրին արժանացած պաշտոնյաների վրա:
Կհասնի՞ արդյունքի.
Ոչ, որովհետև հենց ինքն է այնպես արել, որ բոլորի համար պարզ լինի, որ ինքն է այդ բոլոր կառույցներում առանցքային հարցեր որոշողը, հետևաբար, թերացումների պատասխանատուն առաջին հերթին ինքն է:
Ի՞նչ է սպասվում «կամավոր» դիմում գրածներին.
Հիմնական և գլխավոր պատասխանատուն Նիկոլ Փաշինյանն է, բայց բոլորը հետագայում օրենքի առաջ պատասխան են տալու իրենց գործած ապօրինությունների համար:
Ովքե՞ր են նշանակվելու և ինչ է փոխվելու.
Հերթական կամակատարները. դեմքերի փոփոխությունից բացի այլ բան պետք չէ սպասել:
Իրենց ընդդիմադիր համարողների անելիքը.
Մաքսիմալ հասկանալի և պարզ բացատրել այս ամենը հանրությանը, թույլ չտալ, որ մոլորեցնելու ու մանիպուլացնելու իշխանագլխի հերթական փորձը հաջողի»,- Facebook-ում գրել է Քոչարյանը։