Ալիևի օգնական Հիքմեթ Հաջիևը հայտարարել է, թե Հայաստանի տարածքում ցանկացած երրորդ երկրի ուժերի տեղակայումը մտահոգիչ է։
Ադրբեջանական կողմը խաղաղության պայմաններում իրականացվող սահմանազատման գործընթացում երրորդ կողմի մասնակցության անհրաժեշտություն չի տեսնում.
«Հայ-ադրբեջանական սահմանին ԵՄ առաքելության գործունեությունը պետք է ավարտվի։ Առաքելության տեղակայումը համաձայնեցվել է Պրահայում՝ Իլհամ Ալիևի, Էմանուել Մակրոնի, ԵՄ խորհրդի նախագահ Շառլ Միշելի և Նիկոլ Փաշինյանի մասնակցությամբ: Այդ առաքելությունը պետք է լիներ կարճաժամկետ։ Ինչպես տեսնում ենք, սա դառնում է կայուն առաքելություն, և դրա կազմը, ինչպես նաև աշխարհագրական մանդատի տարածքն ընդլայնվում են: Մենք Հայաստանի և Ադրբեջանի միջև փոխըմբռնման և խաղաղության պայմաններում իրականացվող սահմանազատման գործընթացում երրորդ կողմի մասնակցության որևէ անհրաժեշտություն չենք տեսնում։ Մենք Եվրոմիության առաքելությունը չենք համարում տարածաշրջանում խաղաղության ամրապնդմանը նպաստող գործոն։ Սա մտահոգիչ գործոն է»,- ասել է նա։