ՌԴ ԱԳ փոխնախարար Միխայիլ Գալուզինը և ՌԴ-ում Ադրբեջանի դեսպան Ռահման Մուստաֆաևը քննարկել են AZAL ինքնաթիռի կործանման թեման, ընդգծել հետաքննությունը ավարտելու անհրաժեշտությունը: Այս մասին հայտնում է ՌԴ ԱԳՆ-ն։
Ռուսական կողմն ընդգծել է Ռուսաստանի և Ադրբեջանի միջև ռազմավարական գործընկերության և դաշինքի ոգով հարաբերությունների կառուցման բացարձակ կարևորությունը, սակայն, միևնույն ժամանակ, ՌԴ ԱԳՆ-ն տարակուսանք է հայտնել ադրբեջանական ԶԼՄ-ներում հակառուսական հրապարակումների հետ կապված։
«Այդ կապակցությամբ տարակուսանք է արտահայտվել ադրբեջանական ԶԼՄ-ների մի շարք հակառուսական հրապարակումների, ինչպես նաև Բաքվում «Ռուսական տան» դեմ տարվող ապատեղեկատվության առնչությամբ: Նշվել է առաջադրված մեղադրանքների բացարձակ անհիմն լինելը»,- ասվում է հրապարակման մեջ։
