ԱՄՆ պետքարտուղար Մարկո Ռուբիոն կիրակի ասել է, որ Իրանը մնում է «Մերձավոր Արևելքում անկայունության միակ աղբյուրը» և լիակատար աջակցություն է հայտնել Իսրայելի վարչապետ Բենիամին Նեթանյահուին։ Այս մասին գրում է nbcnews.com-ը:
Ռուբիոն Երուսաղեմում ասել է, որ Իրանը կանգնած է «ամեն ահաբեկչական խմբավորման, բռնության յուրաքանչյուր գործողության և այն ամենի հետևում, ինչը սպառնում է խաղաղությանը և կայունությանը»։
Աղբյուրը պնդում է, որ Իրանը երկար ժամանակ ֆինանսավորում է պաղեստինյան ՀԱՄԱՍ խմբավորումը, լիբանանյան «Հեզբոլլահ» շարժումը և Եմենում հութի զինյալներին:
