Ուկրաինայի նախագահ Վլադիմիր Զելենսկին նախկին նախագահ Ջո Բայդենի օրոք ԱՄՆ-ից գումարները վերցնում էր նույնքան հեշտությամբ, որքան «երեխայի ձեռքից կոնֆետը»։ այս մասին ԱՄՆ նախագահ Դոնալդ Թրամփն ասել է Fox News-ին տված հարցազրույցում։
«Բայդենի օրոք նա այս երկրից գումարները վերցնում էր այնպես, ինչպես երեխայի ձեռքից կոնֆետը: Դա այնքան հեշտ էր… Եվ ես չեմ կարծում, որ նա երախտապարտ է, իմ կարծիքով, մենք նրան տվել ենք 350 միլիարդ դոլար», – ասել է ԱՄՆ նախագահը:
Հիշեցնենք, որ փետրվարի 28-ին Սպիտակ տանը թեժ լեզվակռիվ է տեղի ունեցել Թրամփի, փոխնախագահ Ջեյ Դի Վենսի և Զելենսկու միջև, ինչի հետևանքով Ուկրաինայի ղեկավարը վաղաժամ լքել է Սպիտակ տունը՝ առանց որևէ փաստաթուղթ ստորագրելու: ԱՄՆ նախագահը Զելենսկուն մեղադրել է «երրորդ համաշխարհային պատերազմի հետ խաղաղու, ԱՄՆ-ի օգնությունը չգնահատելու և հրադադար չցանկանալու համար»։ Ավելի ուշ Թրամփը հայտնել է, որ «Զելենսկին պատրաստ չէ խաղաղության»։
Միացյալ Նահանգները հունվարին Թրամփի իշխանության գալուց հետո ցանկություն է հայտնել նպաստել ուկրաինական հակամարտության հնարավորինս արագ ավարտին։ Ի տարբերություն Եվրամիության և Ջո Բայդենի վարչակազմի՝ Վաշինգտոնն այլևս չի հայտարարում Կիևին անսահմանափակ աջակցության մասին և նույնիսկ կապեր է հաստատել Մոսկվայի հետ։
