Իսրայելական զինվորականները գիշերը վերսկսել են հարվածները Գազայի հատվածում ՀԱՄԱՍ-ի օբյեկտներին՝ երկրի ղեկավարության հրահանգով։ Գազայի իշխանությունները նշում են, որ հարձակումների հետևանքով զոհվել է ավելի քան 200 մարդ: Այս մասին փոխանցում է bbc.com-ը։
Իսրայելի վարչապետի գրասենյակը հայտարարություն է տարածել, որ Բենիամին Նեթանյահուն և պաշտպանության նախարար Իսրայել Կացը հրամայել են զինվորականներին «վճռական գործողություններ ձեռնարկել» ՀԱՄԱՍ-ի դեմ։
«Դա տեղի է ունեցել այն բանից հետո, երբ ՀԱՄԱՍ-ը բազմիցս մերժել է ազատ արձակել մեր պատանդներին, ինչպես նաև մերժել է ԱՄՆ նախագահի բանագնացից և միջնորդներից ստացված բոլոր առաջարկները», – ասվում է Նեթանյահուի գրասենյակում:
«Ներկայումս Իսրայելի պաշտպանության բանակը հարձակվում է Գազայի հատվածում ՀԱՄԱՍ ահաբեկչական կազմակերպության թիրախների վրա՝ քաղաքական ղեկավարության կողմից սահմանված պատերազմական նպատակներին հասնելու համար, ներառյալ մեր բոլոր պատանդների՝ կենդանի և մահացածների ազատ արձակումը»:
