ՆԱՏՕ-ի նախկին գլխավոր քարտուղար Անդերս Ֆոգ Ռասմուսենն Ադրբեջանին կոչ է արել հնարավորինս արագ ստորագրել Հայաստանի հետ խաղաղության համաձայնագիրը։
Հայ լրագրողների հետ հանդիպմանը Անդերս Ֆոգ Ռասմուսենը նշել է, որ չափազանց մտահոգված է Ադրբեջանի հռետորաբանությամբ։
«Ադրբեջանին կոչ եմ անում հնարավորինս արագ ստորագրել այդ համաձայնագիրը։ Այն խնդիրները, որոնք լուծված չէին, հիմա լուծված են Հայաստանի կողմից։ Այնպես որ, հիմա գնդակն Ադրբեջանի դաշտում է, հետևաբար, վերջինս պետք է շուտափույթ կերպով ստորագրի այն»,- ընդգծել է Ռասմուսենը։
Նա հույս է հայտնել, որ համաձայնագիրը շուտ ստորագրելու համար ԵՄ-ն ու մյուս երկրները Ադրբեջանի վրա ճնշում կգործադրեն։
