Փաշինյանն անձամբ կկրակի ժողովրդի վրա, եթե իրեն «քարտ բլանշ» տվող արևմտյան կենտրոնները չզսպեն. «Պատիվ ունեմ» խմբակցության ղեկավար

Հանրապետական կուսակցությունն ու երրորդ նախագահ Սերժ Սարգսյանը ունեն միայն մեկ ցանկություն՝ իրականացնել իշխանափոխություն, այլ ոչ թե գալ իշխանության։ Մենք պատրաստ ենք օգտակար լինել ցանկացած իրական ընդդիմադիր գործընթացի՝ առանց հավակնելու վերցնել առաջնորդությունը, ինչպես և արել ենք Սրբազան Շարժման պարագայում։ Այս մասին 24News-ի «Հետագիծ Նարեկ Գալստյանի հետ» հաղորդման ժամանակ ասել է ԱԺ «Պատիվ ունեմ» խմբակցության ղեկավար Հայկ Մամիջանյանը։ 

Ըստ Մամիջանյանի, ՀՀԿ-ն միայն ողջունում է ցանկացած ընդդիմադիր գործընթաց։ «Երևանում շատ հրապարակներ ու փողոցներ կան, եթե մեզնից լավ եք անում, արեք, մենք միայն կողջունենք։ Մենք անգամ մասնակցում ենք հանրահավաքների, որտեղ մեզ են քննադատում, միայն թե այս իշխանությունը հեռանա», — նկատել է նա։