Վրաստանի վարչապետ Իրակլի Կոբախիձեն նշել է վրաց-ամերիկյան հարաբերությունների զարգացման երկու սցենար, գրում է Սպուտնիկ գործակալության վրացական ծառայությունը:
Առաջինի սցենարի դեպքում՝ ԱՄՆ նախագահ Դոնալդ Թրամփը կհաղթի «խորքային պետությանը», ինչը կօգնի ամրապնդել հարաբերությունները երկու երկրների միջև։
Երկրորդ սցենարի դեպքում, ըստ Վրաստանի վարչապետի, Թրամփին չի հաջողվի հաղթել «խորքային պետությանը», և այդ պարագայում վտանգ կա, որ վրաց-ամերիկյան հարաբերություններում իրադարձությունները կզարգանան նույն ոգով, ինչ վերջին չորս տարիներին։
«Մենք պատրաստ ենք երկու սցենարներին, բայց ոչ մի դեպքում ոչ ոք չի կարողանա խարխլել վրացական պետության ինքնիշխանությունն ու անկախությունը»,- ընդգծել է Իրակլի Կոբախիձեն։
Հիշեցնենք, որ Ջո Բարդենի նախագահության վերջին տարում վրաց-ամերիկյան հարաբերությունները հետընթաց են գրանցել: Պետքարտուղարությունը հայտնել է, որ ԱՄՆ-ն դադարեցնում է Վրաստանի հետ ռազմավարական գործընկերությունը՝ իշխող «Վրացական երազանք» կուսակցության կողմից կատարվող «հակաժողովրդավարական գործողությունների» պատճառով: Միացյալ Նահանգները հայտարարել է Վրաստանի հետ հարաբերությունների վերանայման մասին՝ երկրում «Օտարերկրյա ազդեցության թափանցիկության մասին» ընդունված օրենքի պատճառով: Ի պատասխան Վրաստանի իշխանությունների քաղաքականության՝ հունիսի սկզբին Միացյալ Նահանգները վիզային սահմանափակումներ է մտցրել մի քանի տասնյակ անձանց և նրանց ընտանիքների անդամների նկատմամբ՝ Վրաստանում «ժողովրդավարությունը խաթարելու» համար, անժամկետ հետաձգվել են «Արժանի գործընկեր 2024» (Noble Partner) վրաց-ամերիկյան զորավարժությունները։
