Ադրբեջանի և Իրանի միջև կապերի զարգացումը մեծ նշանակություն ունի։ Ինչպես հաղորդում են ադրբեջանական լրատվամիջոցները, այս մասին հայտարարել Է Իրանի նախագահ Մասուդ Փեզեշքիանը AZTV հեռուստաալիքին տված հարցազրույցում:
«Մենք երկու կողմից էլ հարազատներ ենք։ Փոխայցելությունները նպաստում են կապերի ամրապնդմանը։ Այդ պատճառով մենք պետք է ճանապարհներ բացենք փոխադարձ ուղեւորությունները հեշտացնելու համար։ Մենք կարող ենք օգնել միմյանց և երկու երկրների ժողովուրդների համար ստեղծել հանգիստ և բարեկեցիկ կյանք»,-ասել է Փեզեշքիանը։
Նա նշել է, որ երկրների միջև առողջ հարաբերություններ կառուցելու համար անհրաժեշտ է ընդլայնել համագործակցությունը, ինչպես նաև զարգացնել համալսարանների միջև գիտական և մշակութային կապերը:
