ՀՀ-ում Ռուսաստանի դեսպան Սերգեյ Կոպիրկինը բաց նամակ է հղել ՀՀ ՊՆ Սուրեն Պապիկյանին։ Նամակում, մասնավորապես, նշված է․
«Հարգելի Սուրեն Ռաֆիկովիչ,
Թույլ տվեք ամբողջ սրտով շնորհավորել Ձեզ Հայրենական մեծ պատերազմում տարած հաղթանակի 80-ամյակի կապակցությամբ, որը մենք հանդիսավոր կերպով նշեցինք անցյալ շաբաթ։ Ուրախալի էր տեսնել, որ մայիսի 9-ին Հայաստանում անցկացված հոբելյանական միջոցառումները լայն հասարակական աջակցություն ստացան։ Հանրապետության բնակիչները՝ ավագ և երիտասարդ սերունդները, իրենց սրտի կանչով եկել էին պատերազմի հուշահամալիր՝ հարգելու իրենց հայրենիքը պաշտպանելու մեկնած 600 հազար հայերի հիշատակը, որոնցից 300 հազարը տուն չվերադարձան»:
Կոպիրկինը հիշել է հայերի ներդրումը նացիստական Գերմանիայի դեմ տարած հաղթանակում, որոնց գործողությունները Հանրային հեռուստատեսության եթերում փաստացի արդարացվել են ՀՀ ՊՆ ներկայացուցչի կողմից։ «Սա մեր հերոս նախնիների հիշատակը պղծելու փորձ է». ՌԴ դեսպան Սերգեյ Կոպիրկինը դիմել է ՀՀ պաշտպանության նախարարության ղեկավարին՝ կապված Արծրուն Հովհաննիսյանի` Ստալինգրադի ճակատամարտի նշանակության մասին սկանդալային հայտարարությունների հետ»:
Հայ ժողովրդի շրջանում Հաղթանակի օրվա նկատմամբ խորը հարգանքի ֆոնին, Արծրուն Հովհաննիսյանի պատմականորեն կեղծ և հայհոյախառն հայտարարությունները լայնածավալ վրդովմունք առաջացրին։ Դժվար է նման արարքը գնահատել որպես որևէ այլ բան, քան մեր հերոսական նախնիների հիշատակը պղծելու փորձ, ովքեր թույլ չտվեցին իրականացնել Հիտլերի ծրագրերը՝ ստրկացնելու և ոչնչացնելու ԽՍՀՄ ժողովուրդներին, ինչպես նաև փրկեցին մարդկությանը «շագանակագույն ժանտախտից»։
