ԱՄՆ նախագահ Դոնալդ Թրամփը սպառնացել է Իրանին լուրջ հետևանքներով, եթե այն հարձակվի Մերձավոր Արևելքում գտնվող ամերիկյան ռազմական բազաների վրա, X-ում հայտնել է CBS News-ի լրագրող Ջենիֆեր Ջեյքոբսը։
Նա մեջբերել է Թրամփի խոսքերը, որոնք նա ասել էր նախագահական ինքնաթիռում՝ Կանադային ԱՄՆ վերադառնալիս։ ԱՄՆ առաջնորդն ասել է, որ Վաշինգտոնը «շատ ուժեղ կհարվածի, եթե նրանք (նկատի ունենալով Իրանին) որևէ վնաս պատճառեն ամերիկացիներին»։
Ավելի վաղ Թրամփը Truth Social սոցկայքում գրել էր.«Իրանը պետք է ստորագրեր այն «համաձայնագիրը», որը ես նրանց ասացի ստորագրել։ Ի՜նչ ամոթ է, մարդկային կյանքի վատնում։ Պարզ ասած՝ ԻՐԱՆԸ ՉԻ ԿԱՐՈՂ ՈՒՆԵՆԱԼ ՄԻՋՈՒԿԱՅԻՆ ԶԵՆՔ։ Ես դա ասել եմ ու կրկնել եմ։ Բոլորը պետք է անհապաղ լքեն Թեհրանը»։
