Հայաստանի շահերից է բխում լինել ՌԴ-ի հետ, կարող եմ թվարկել 20 պատճառ, թե ինչու մենք պետք է լինենք ՌԴ-ի հետ. այս մասին ՌԻԱ «Նովոստի»-ին տված հարցազրույցում ասել է Ռուսաստանի հայերի միության նախագահ Արա Աբրահամյանը:
«Այժմ կան բազմաթիվ հարցեր, որոնցում Ռուսաստանը, և սա նորմալ է, իր ազգային շահերը դնում է ամեն ինչից վեր։ Նույնը պետք է լինի նաև Հայաստանում և այլ երկրներում։ Բայց Հայաստանի վարչապետը չի գործում Հայաստանի շահերից ելնելով», — ասել է նա:
ՀՀ նախագահ Վահագն Խաչատուրյանը ապրիլին հաստատել է ԱԺ-ի կողմից նախկինում ընդունված օրենքը ԵՄ-ին միանալու երկրի մտադրության մասին: ՀՀ արտաքին գործերի փոխնախարար Պարույր Հովհաննիսյանը հայտարարել էր, որ օրինագծի ընդունումը ԵՄ անդամակցության դիմում չէ, այլ արտացոլում է միության հետ հարաբերությունները խորացնելու ցանկությունը:
Ռուսաստանի փոխվարչապետ Ալեքսեյ Օվերչուկը հունվարին հայտարարել էր, որ Ռուսաստանը Եվրամիությանը միանալու մասին օրինագծի քննարկումը դիտարկում է որպես ԵԱՏՄ-ից Երևանի դուրս գալու սկիզբ և իր տնտեսական քաղաքականությունը Հայաստանի նկատմամբ կկառուցի՝ հաշվի առնելով այս հանգամանքը։