Բրիտանական Anglo Asian Mining Plc. (AAM) ընկերությունը, որը զբաղվում է ոսկու, արծաթի և պղնձի արդյունահանմամբ Ադրբեջանում, սկսել է պղնձի արդյունահանումն օկուպացված Արցախի Կաշենի պղնձի հանքավայրում, հայտնել է ընկերության մամուլի ծառայությունը:
«Anglo Asian Mining Plc.-ն հայտարարում է Դեմիրլիի պղնձի հանքում (Կաշենի հանք-Խմբ.) շահագործման հանձնման և առաջին արտադրության մեկնարկի մասին: Հանքի շահագործման հանձնումը շարունակվում է, և արտադրության աճը կանխատեսվում է տարվա մնացած մասի ընթացքում», – ասվում է ընկերության հայտարարության մեջ:
Կանխատեսվում է, որ Կաշենի հանքը 2025 թվականին կարտադրի մոտավորապես 4,000 տոննա պղնձի խտանյութ։
«2026 թվականից սկսած ընկերությունը նախատեսում է տարեկան արտադրությունը հասցնել մինչև 15,000 տոննա պղնձի։ Հանքի շահագործման ժամկետը կորոշվի երկրաբանական մոդելի հետագա մշակումից և հանքային պաշարների գնահատումից հետո», – ասվում է հայտարարության մեջ։
