Ռուբեն Վարդանյանի և Արցախի առաջնորդների անունները Թրամփի ցուցակից դու՞րս են մնացել

«Միասին» շարժման անդամ Նարինե Դիլբարյանը ֆեյսբուքյան իր էջում գրառում է արել՝ հրապարակելով նաև շրջանառվող այն ցուցակը, որտեղ ներկայացված են այն 23 ռազմագերիների անունները, որոնց ազատության համար Թրամփը դիմել է Ալիևին․

Ուշագրավ իրավիճակ է. տարբեր աղբյուրներ նշում են, թե Փաշինյանը Թրամփի հետ քննարել է «23 քրիստոնյաների» ազատ արձակման հարցը Բաքվի ցեղասպան բռնապետի բանտերից, բայց այդ հիշյալ 23- ի մեջ Ռուբեն Վարդանյանն ու Արցախի մյուս առաջնորդները չեն մտնում, անգամ ցուցակ է շրջանառվում մեր գերյալ հայրենակիցների, որոնց համար Թրամփը դիմել է Ալիևին։ Եթե դա հավաստի է, ապա նվազագույնը ծայրահեղ ապշեցուցիչ է ԱՄՆ նախագահի վարքի տեսանկյունից, քրիստոնյաների մեջ տարբերակում կա՞՝ Ալիևի համար անցանկալի ու վտանգավոր և առևտրի առարկա հայ պատանդնե՞ր։ Հուսամ՝ խառնակ լուրեր են։ Անշուշտ, եթե գոնե շուրջ 20 անմեղ հայ ազատ արձակվի ցեղասպան բռնակալի վրեժխնդրությունից, մեծ հաջողություն է. բայց մյուսների մասին լռելը, փարիսեցիաբար չխոսելը, ձևացնելը, թե նրանք չկան կամ ոչինչ, Ալիևին չնեղենք, չնեղվի, քաղաքակական և իրավական տեսանկյունից անընդունելի, իսկ բարոյապես ու մարդկայնորեն ամոթալի է։ Հրապարակված անարդար տանջվող գերյալների ցուցակը, որ իբրև տրվել է Թրամփին, հետևյալն է, թեև երկյուղալի է ներկայացնելը. զուր մարդկանց ցավ չպատճառենք, միջազգային հանցագործ Ալիևը ոչինչ դեռ չի ասել՝ բացի Փաշինյանի հետ Թրամփին «բաղձալի» մրցանակ խոստանալով, որպեսզի հաճոյանա նրան։