«Հայաստանի նկատմամբ անվտանգային ու ռազմական սպառնալիքները շատ ցածր են»,- այս մասին լրագրողների հետ զրույցում ասել է ՀՀ արտաքին հետախուզության ծառայության պետ Քրիստիննե Գրիգորյանը:
«Մի քանի ամիսների համեմատությամբ կարող ենք ասել, որ դրանք շատ ցածր են, բայց սպառնալիքներ կան մեր ժողովրդավարության նկատմամբ, իսկ դրանք չպետք է թերագնահատել, որովհետև ժողովրդավարությունը մեր շարժման տեմպն ու ռեժիմն է»,- նշել է նա:
«Ռիսկերը, որոնք մեծամասամբ հիբրիդային են, պետք է տեսնել ու հասցեագրել: Ժողովրդավարության նկատմամբ սպառնալիքները չեն գալիս մեկ պետությունից կամ մեկ դերակատարից, դրանք, որպես կանոն, շատ դեպքերում գալիս են մի քանի կենտրոնից՝ առանձին-առանձին»,- ասել է Գրիգորյանը:
«Բայց կարող եմ վստահ պնդել, որ չկա որևէ պետություն, որի ժողովրդավարության նկատմամբ սպառնալիքները գալիս են մեկ դերակատարից, Հայաստանը բացառություն չէ»,- նշեց Գրիգորյանը։
