Հարկ համարեցի, խոսեցի, ինչ է եղել: Այս մասին լրագրողների հետ կարճ ճեպազրույցում ասաց ՀՀ 1-ին նախագահ Լևոն Տեր-Պետրոսյանը՝ պատասխանելով հարցին՝ ինչո՞ւ է ակտիվացել վերջին շրջանում քննադատություններով, ո՞րն էր պատճառը:
Ինչ վերաբերում է հարցին՝ արդյոք ՀԱԿ-ը կմասնակցի առաջիկա խորհրդարանական ընտրություններին, 1-ին նախագահն ասաց, որ հարցը պետք է ուղղել Լևոն Զուրաբյանին և չհստակեցրեց՝ ինքը կլինի ցուցակում, թե՝ ոչ:
Հարցին էլ՝ երկրում ստեղծված իրավիճակից ելք կա՞, նա ասաց. «Ելք միշտ կա»: Տեր-Պետրոսյանն ասաց, որ ելքը լավ է տեսնում:
Իսկ թե ինչու է Նիկոլ Փաշինյանը վատ ընդունում իր ամեն մի գրառումը, Տեր-Պետրոսյանն ասաց, որ Փաշինյանից հարցնեն:
