ՀՀ ԱԳ նախարարը Վաշինգտոնում մասնակցել է ԱՄՆ պետքարտուղարի կազմակերպած պաշտոնական ընթրիքին

ՀՀ արտաքին գործերի նախարար Արարատ Միրզոյանը Վաշինգտոն կատարած այցի շրջանակներում ներկա է գտնվել Միացյալ Նահանգների պետքարտուղար Էնթոնի Բլինքենի կազմակերպած պաշտոնական ընթրիքին։

Այս մասին ՀՀ ԱԳ նախարարը նշել է X-ի իր միկրոբլոգում կատարած գրառման մեջ՝ մանրամասնելով, որ հնարավորություն է ունեցել գործընկերների հետ քննարկել հետաքրքրություն ներկայացնող հարցերի լայն շրջանակ։  

«Հաճելի էր ներկա գտնվել Վաշինգտոնում պետքարտուղար Էնթոնի Բլինքենի կողմից կազմակերպված ՆԱՏՕ-ի և գործընկեր երկրների ԱԳ նախարարների պաշտոնական ընթրիքին։

Լավ հնարավորություն էր գործընկերների հետ տարածաշրջանային զարգացումների, ավելի կայուն և ապահով Հարավային Կովկասի, ինչպես նաև ընթացիկ մարտահրավերների վերաբերյալ Հայաստանի տեսլականի շուրջ մտքերի փոխանակում իրականացնելու առումով», – գրել է նախարար Միրզոյանը։