Մենք որոշ չափով մտահոգված ենք, որ պատժամիջոցները դեռևս չեն վերացվել, և որ ԱՄՆ-ն որոշ չափով լռում է Վրաստանի վերաբերյալ։ Այնուամենայնիվ, մենք լավատես ենք մնում. մեր առաջարկը սեղանին է, և այս առաջարկը վերաբերում է մեր ռազմավարական գործընկերության վերականգնմանը։
Մենք շարունակելու ենք համբերատար սպասել նրանց արձագանքին: TRT World-ին տված հարցազրույցում ասել է Վրաստանի վարչապետ Իրակլի Կոբախիձեն, փոխանցում է apsny.ge-ն:
Կառավարության ղեկավարի խոսքով՝ Վրաստանն ունի շատ հստակ դիրքորոշում Միացյալ Նահանգների հետ համագործակցության վերաբերյալ.
«Մենք ասում ենք, եւ ես անձամբ բազմիցս ընդգծել եմ, որ պատրաստ ենք մաքուր էջից վերականգնել մեր ռազմավարական գործընկերությունը ԱՄՆ-ի հետ ՝ շատ հստակ եւ կոնկրետ պլանի հիման վրա: Մենք պատրաստ ենք շարունակել մեր ռազմավարական գործընկերությունը ԱՄՆ-ի հետ»,-ասել է նա: ԱՄՆ-ի նախորդ ղեկավարությունը խիստ ագրեսիվ էր վրաց ժողովրդի և, համապատասխանաբար, Վրաստանի կառավարության նկատմամբ: Բայդենի վարչակազմը որոշել է դադարեցնել Վրաստանի հետ ռազմավարական գործընկերությունը նախագահ Թրամփի ընտրվելուց հետո՝ նրա երդմնակալությունից կարճ ժամանակ առաջ:
Եվս մեկ անգամ ընդգծեմ՝ մեր շահերից է բխում Միացյալ Նահանգների հետ ռազմավարական գործընկերության վերականգնումը, և մենք համբերատար սպասում ենք նրա դիրքորոշմանն այս հարցում։ Մենք մնում ենք լավատես։ Իհարկե, մեզ որոշ չափով անհանգստացնում է այն, որ պատժամիջոցները չեն հանվել, և որ ԱՄՆ-ի կողմից ընդհանուր առմամբ որոշակի լռություն է նկատվում Վրաստանի նկատմամբ։ Այո, մենք մտահոգված ենք, բայց դեռ լավատես ենք։ Մեր առաջարկը սեղանին է. դա ռազմավարական գործընկերության վերականգնումն է, և մենք համբերատար կսպասենք նրանց պատասխանին»,- հայտարարել է Իրակլի Կոբախիձեն։