Սահմանադրագետ Գոհար Մելոյանը մանրամասներ ներկայացրեց՝ ինչ խախտումներ են արձանագրել ընտրատեղամասերում։
Մելոյանը նշեց, որ մեկ ընտրատեղամասի ուղիղ հեռարձակումն անջատված է եղել։ Եղել են տեղամասային կնտրոններ, որտեղ քվեախցերի հետևի մասերում հասանելիություն են ապահովել խախտելու ընտրական իրավունքի իրացման գաղտնիությունը։
«Աստիճան է եղել, չկնքված դուռ», — ասաց Գոհար Մելոյանը՝ ավելացնելով, որ քվեախցի մոտ ցայտաղբյուր է եղել, և ջրից օգտվելիս, կտեսնեին մյուսի ընտրությունը։
«Ունեցել ենք արձանագրված երկու դեպք, երբ հրապարակայնորեն ցույց են տվել իրենց ընտրած քվեաթերթիկը։ Դեպք է եղել, որ ցույց չի տվել քվեաթերթիկը, բայց հրապարակել է՝ ում է տալու իր ձայնը։ Նաև քվեաթերթիկը պատռելու դեպք եղավ, որից հետո հետ եկավ՝ ընտրելու ցանկությամբ։
Եղավ դեպք, որ ընտրությանը մասնակցող թեկնածուն նաև վստահված անձ էր»։
Ամփոփելով՝ Գոհար Մելոյանն արձանագրեց․ «Այնպիսի ծավալի ընտրախախտումներ չեն եղել, որոնք ընտրության արդյունքները կարող են կասկածի տակ դնել այս պահի դրությամբ»։