Ֆինլանդիայի իշխանությունները ցանկապատ են կառուցում Ռուսաստանի հետ սահմանից ընդամենը մի քանի մետր հեռավորության վրա, հաղորդում է Yle-ն՝ հղում անելով երկրի սահմանային ծառայությանը՝ Ведомости-ի փոխանցմամբ։
Լապլանդիայում ցանկապատի կառուցումը կավարտվի դեկտեմբերի 9-ին: Ցանկապատի երկայնքով յուրաքանչյուր 20 մետրը մեկ տեղադրվում են տեսախցիկներով կայմեր և դիտակետեր: Ցանկապատը պատրաստված է 3.5 մետր բարձրությամբ, խիտ շղթայական ցանկապատից: Սպասարկման համար նախատեսված մուտքն ապահովված է յուրաքանչյուր 500 մետրը մեկ, իսկ կենդանիների մուտքը՝ յուրաքանչյուր 3 կիլոմետրը մեկ, որն անհրաժեշտության դեպքում կարող է փակվել։
Yle-ն հաղորդում է, որ Ֆինլանդիան չի կարող իրեն թույլ տալ ամբողջ արևելյան սահմանը ցանկապատել՝ ծախսերի պատճառով: Յուրաքանչյուր 200 կմ ցանկապատի արժեքը կազմում է 362 միլիոն եվրո, իսկ ամբողջ սահմանը մոտավորապես 1300 կմ երկարություն ունի: Ցանկապատը պարզեցնում է պարեկությունը, քանի որ այն կարող է կենտրոնանալ այն տարածքներում, որտեղ ցանկապատ չկա։
Ֆինլանդիայի իշխանությունները սկսել են աստիճանաբար փակել սահմանը 2023 թվականի աշնանը։ Կառավարությունն այս որոշումը բացատրել է Սոմալիից, Եմենից, Սիրիայից և այլ երկրներից փախստականների հոսքով։
