«Գրիգոր Լուսավորչի գահն ընծա չէ, որ նվիրես այս կամ այն հոգևորականին, իսկ Գարեգին Բ-ին ընտրել է Ազգային-եկեղեցական ժողովը։ Երբ մամուլում հայտնված փաստաթղթի տակ ստորագրած եպիսկոպոսները հաստատեն, որ նման թղթի տակ ստորագրել են, այդ ժամանակ միայն իմ ասելիքը կասեմ»,- այս մասին Մայր Աթոռում 24news.am-ի և news.am-ի լրագրողների հետ զրույցում ասել է Արշակ Սրբազանը:
Հարցին, թե եթե Վեհափառը որոշում կայացնի առժամանակ սառեցնել իր պաշտոնները ինչպես կվարվի ինքը՝ Սրբազանն ասաց, որ ցանկացած որոշում պետք է լինի իրավական կամ գեթ՝ տրամաբանական։
«Ես նման հիմնավորումներ չեմ տեսնում և «եթե»-ներով չեմ խոսում»։
Սրբազանը նաև հայտարարեց, որ իր դեմ ուղղված պրոցեսները պետք է դիտարկել եկեղեցու դեմ արշավի շրջանակում։ «Կարծում եմ՝ գերագնահատում են իմ դերակատարությունը, ես ընդամենը Մայր Աթոռի շարքային եպիսկոպոսներից մեկն եմ, որ ունի իր դիրքորոշումը, իր կեցվածքը, որը հավանաբար շատերին դուր չի գալիս, ես դա բնական եմ համարում, քանի որ ինձ էլ շատերի դիրքորոշումը դու չի գալիս, բայց ի տարբերություն ինձ՝ մարդիկ, ովքեր ունեն լծակներ, ռեսուրսներ, հետևողականորեն որոշել են իրենց դուր չեկող դիրքորոշումներով հանդես եկող անձին ոչնչացնել։ Ժամանակը ցույց կտա՝ ինչպես կստացվի։ Իմ դիրքորոշումը չի փոխվել»,-ասաց Սրբազանը։
