«Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանը 24News-ի «Հետագիծ Նարեկ Գալստյանի հետ» հաղորդման ընթացքում հայտարարել է, որ Նիկոլ Փաշինյանը չունի որևէ կարմիր գիծ։
«Նա անում է այնպիսի բաներ, որ որևէ մեկի մտքով չի անցնի, որ այդ քայլին կդիմի։ Այդ կարմիր գծերի բացակայությունը մեզ հիմք է տալիս եթադրելու, որ նա որևէ պարագայում չի կանգնելու»,- ասել է Վանեցյանը՝ անդրադառնալով եկեղեցին քնադելու արշավին։
Վանեցյանը նշել է՝ որպես Փաշինյանին ճանաչող մարդ կարող է ասել, որ նա երբեք չի փորձի եղած խնդիրները «կլորացնել, սուր անկյուները հարթեցնել»։
«Նա մշտապես ամեն խնդիրը սրում է այնքան, որ կա՛մ վերանա, կա՛մ ինքը հաղթող դուրս գա։ Ես, ցավոք, դրա համար մեղադրում եմ ոչ միայն ինձ, այլ բոլորիս, որ չենք կարողանում այդ ընթացքը կասեցնել։ Շատ պատճառներ կարող ենք բերել, մինչ այս պահը Փաշինյանը բոլոր արարքներում, հայրենիքի վաճառքից սկսած, վերջացրած եկեղեցին քանդելը, մաս ունի»,- ասել է նա։
