ԱՄՆ նախագահ Դոնալդ Թրամփն իրանցի ցուցարարներին կոչ է արել շարունակել ակցիաները և գրավել պետական հաստատությունները: Այս մասին նա գրել է Truth Social սոցցանցում։
Ամերիկացի առաջնորդը նաև վստահեցրել է ցուցարարներին, որ «օգնությունը ճանապարհին է»։ Թրամփը նաև չեղարկել է իրանցի պաշտոնյաների հետ բոլոր հանդիպումները և հրաժարվել է խոսել նրանց հետ, մինչև «ցուցարարների սպանությունները չդադարեն»։
«Պահպանեք մարդասպանների և բռնաբարողների անունները։ Նրանք ծանր գին կվճարեն», — ասել է նա։
Իրանում բողոքի ցույցերը շարունակվում են դեկտեմբերի 28-ից։ Բողոքի ցույցերը սկզբում սկսվել են Թեհրանի գլխավոր շուկայում, որտեղ խանութպաններն ու մի քանի համալսարանների ուսանողներ դուրս են եկել փողոց՝ դժգոհ լինելով կառավարության գործողություններից՝ ազգային արժույթի կտրուկ անկման և գների աճի ֆոնին։ Ավելի ուշ անկարգությունները տարածվել են երկրի բոլոր նահանգներում։
