Ադրբեջանն ընդունել է ԱՄՆ նախագահ Դոնալդ Թրամփի՝ Գազայի «Խաղաղության խորհրդի» հիմնադիր անդամ դառնալու հրավերը, ասվում է Ադրբեջանի արտաքին գործերի նախարարության հայտարարության մեջ։
«Ադրբեջանն, ինչպես միշտ, պատրաստ է ակտիվ ներդրում ունենալ միջազգային համագործակցության, ինչպես նաև խաղաղության և կայունության ամրապնդման գործում», — ասվում է հայտարարության մեջ։
Հիշեցնենք, որ ավելի վաղ Նիկոլ Փաշինյանի մամուլի խոսնակը հայտնել էր, որ վարչապետը նույնպես ընդունել է ԱՄՆ նախագահ Դոնալդ Թրամփի հրավերը՝ միանալու «Խաղաղության խորհրդին»։
Հունվարի 16-ին Դոնալդ Թրամփը հայտարարել է իր ղեկավարությամբ նոր միջազգային կառույցի՝ «Խաղաղության խորհրդի» ստեղծման մասին։ Ըստ որոշ տեղեկությունների՝ այս կառույցին միանալու պաշտոնական հրավերներ ուղարկվել են շուրջ 60 երկրի։ Դրանց թվում են նաև մի շարք նախկին խորհրդային հանրապետություններ, այդ թվում՝ Ղազախստանը, Ուզբեկստանը և Բելառուսը։