Իրանում վերջերս տեղի ունեցած բողոքի ցույցերի զոհ դարձած երեխաների մարմիններում հայտնաբերվել են իսրայելական մարտական փամփուշտներ, հաղորդում է ՏԱՍՍ-ը։
Պարզվել է, որ մահացածների թվում է Սպահանից ութամյա մի աղջիկ, որը անկարգությունների ժամանակ ընտանիքի հետ խանութում է եղել և մահացու վիրավորում է ստացել որովայնի, կզակի և գլխի հետևի մասում։
«Դատաբժշկական փորձաքննությունը միանշանակորեն հաստատել է, որ հայտնաբերված փամփուշտները իսրայելական մարտական փամփուշտներ են», — նշել է աղբյուրը։
Հիշեցնենք, Իրանի իշխանություններին հաջողվել էր ճնշել դեկտեմբերի վերջից ընթացող լայնածավալ բողոքի ցույցերը։ Փողոցային ակտիվությունն այժմ գործնականում մարել է։ Աղբյուրների համաձայն՝ Թեհրանում կիրակի օրվանից հանգիստ է. փողոցները դատարկ են, և զանգվածային բողոքի ցույցերի մասին հաղորդագրություններ չեն եղել։ Սակայն, գործակալության աղբյուրների համաձայն, մայրաքաղաքի վրայով թռչում են անօդաչու թռչող սարքեր, և անվտանգության ուժերը շարունակում են վերահսկել իրավիճակը։ Երկրում ինտերնետը շարունակում է արգելափակված մնալ, բայց որոշ բնակիչների հաջողվում է տեղեկատվություն փոխանցել Իրանից դուրս։
