Գերմանիայի խորհրդարանի նախկին անդամը մեղավոր է ճանաչվել կոռուպցիայի մեջ։ Նա առաջ է մղել Ադրբեջանի շահերը Եվրոպայի խորհրդի խորհրդարանական վեհաժողովում (ԵԽԽՎ) և դրա համար ստացել է տասնյակ հազարավոր եվրո։ Հայտնում է DW-ն։
Մյունխենի դատարանը Քրիստոնեա-դեմոկրատական միությունը (ՔԴՄ) ներկայացնող Բունդեսթագի նախկին անդամ Ակսել Ֆիշերին դատապարտել է մեկ տարի և երկու ամսվա պայմանական ազատազրկման։ Նա մեղավոր է ճանաչվել Ադրբեջանից գումար ընդունելու մեջ՝ Եվրոպայի խորհրդի խորհրդարանական վեհաժողովում (ԵԽԽՎ), որտեղ նա ծառայել է 2010-ից 2018 թվականներին, երկրի մասին դրական հայտարարություններ անելու դիմաց։
Դատարանը ապացուցված է համարել, որ նա այս տարիների ընթացքում տասնյակ հազարավոր եվրո է ստացել կանխիկ։
Ավելին, դատարանը Ֆիշերին երկու տարով արգելել է պետական պաշտոն զբաղեցնել և պարտավորեցրել է նրան վճարել 12,000 եվրո հանցագործությունների զոհերին աջակցող կազմակերպությանը, հաղորդում է dpa-ն։
Ֆիշերը և նրա փաստաբանը մինչև վերջ հերքել են «անհիմն մեղադրանքները»՝ պնդելով, որ քաղաքական գործչի և Ադրբեջանի ներկայացուցիչների միջև ապօրինի հարաբերություններ չեն եղել։
