ԱՄՆ նախագահ Դոնալդ Թրամփը և ՆԱՏՕ-ի գլխավոր քարտուղար Մարկ Ռյուտեն Դավոսում կայացած հանդիպման ժամանակ Գրենլանդիայի վերաբերյալ բանավոր համաձայնության են եկել միայն՝ առանց գրավոր փաստաթուղթ կնքելու, մասամբ՝ Ռյուտեի՝ արտահոսքերի վերաբերյալ մտահոգությունների պատճառով, հաղորդում է CNN-ը՝ հղում անելով հանդիպմանը ծանոթ աղբյուրներին։
Ավելի վաղ Դանիայի վարչապետ Մետտե Ֆրեդերիկսենը հայտարարել էր, որ Ռյուտեն մանդատ չունի Դանիայի և Գրենլանդիայի անունից բանակցություններ վարելու։ Նա հավելել է, որ թագավորության ինքնիշխանությանը և Գրենլանդիայի ապագային վերաբերող բոլոր հարցերը կքննարկվեն «այլուր»։
«Նախագահ Դոնալդ Թրամփը և ՆԱՏՕ-ի գլխավոր քարտուղար Մարկ Ռյուտեն չորեքշաբթի օրը կայացած հանդիպման ժամանակ բանավոր համաձայնության են եկել Գրենլանդիայի վերաբերյալ, սակայն ապագա գործարքը պաշտոնականացնող որևէ փաստաթուղթ դեռևս պատրաստ չէ», — հաղորդել է հեռուստաալիքը։
