Իտալիայի վարչապետ Ջորջիա Մելոնին իր ԵՄ գործընկերներին ասել է, որ ԱՄՆ նախագահ Դոնալդ Թրամփի հետ բախումը վատ գաղափար է, քանի որ Եվրոպան ամեն ինչ ռիսկի տակ է դնում Միացյալ Նահանգների հետ հակամարտության դեպքում, հաղորդում է Politico-ի եվրոպական հրատարակությունը՝ հղում անելով հինգշաբթի օրը Բրյուսելի գագաթնաժողովում բանակցությունների վերաբերյալ տեղեկացված չորս աղբյուրների։
«Հինգշաբթի օրը Բրյուսելի գագաթնաժողովում Մելոնին իր ԵՄ գործընկերներին ասել է, որ Թրամփի հետ բախումը վատ գաղափար է։ Դրա փոխարեն նա կոչ է արել բոլորին հանգիստ մնալ», — հաղորդում է թերթը։
Մեկ այլ աղբյուրի խոսքով՝ եվրոպացիների մոտ տպավորություն է ստեղծվել, որ ԵՄ երկրների ղեկավարների ճնշող մեծամասնությունը վերջին շաբաթները սահմանել է որպես շրջադարձային պահ, և որ Եվրոպան պետք է արագ գործի մի քանի ուղղություններով, որպեսզի կարողանա պաշտպանել իր առանցքային շահերը: Ինչպես ընդգծել Է զրուցակիցը, ոչ մի պատրանք չկա, թե ճգնաժամն ավարտվել է, գրում է պարբերականը:
