Նյու Ջերսիում ԱՄՆ Հանրապետական կուսակցության ներկայացուցիչները հունվարի 21-ին նշել են Հյուսիսատլանտյան դաշինքի (ՆԱՏՕ) հետ Գրենլանդիայի վերահսկողության վերաբերյալ համաձայնագիրը։ Ներկաները տեսել են, թե ինչպես են քաղաքական գործիչները կտրում Գրենլանդիայի տեսքով և ամերիկյան դրոշով զարդարված տորթը, իսկ առավոտյան հրապարակված տեսանյութում լսվում էին ծափահարություններ։ Տեսանյութը սոցիալական ցանցերում տարածել է Նյու Ջերսիի Հանրապետական կուսակցության անդամ Մայքլ Քեյսին՝ այն մակագրելով «51-րդ նահանգ»։
Կոնգրեսի անդամ Աննա Պաուլինա Լունան նույնպես հրապարակել է տորթի լուսանկարը և անդրադարձել Դանիայի վարչապետ Մետտե Ֆրեդերիկսենին։
Նույն օրը ԱՄՆ նախագահ Դոնալդ Թրամփը հայտարարել է, որ Գրենլանդիայի վերաբերյալ ապագա համաձայնագրի հիմքերը դրվել են։
Սակայն, լրագրողների կարծիքով, ՆԱՏՕ-ի և ԱՄՆ-ի միջև Գրենլանդիայի վերաբերյալ համաձայնագիրը չի նշանակի կղզու նկատմամբ ինքնիշխանության լիակատար փոխանցում Դանիայից Վաշինգտոնին։ Փաստաթուղթը նախատեսում է Գրենլանդիայի տարածքում տեղակայել «Ոսկե գմբեթ» առաջադեմ հակահրթիռային պաշտպանության համակարգը։
