Սլովակիայի վարչապետ Ռոբերտ Ֆիցոն Եվրոպական Միություն ռուսական գազի ներմուծման արգելքը անվանել է «գաղափարախոսական անհեթեթություն» և հայտարարել, որ երկիրը, Հունգարիայի հետ միասին, դատական հայց է ներկայացնում Եվրոպական հանձնաժողովի դեմ։
«Սա բացարձակ գաղափարախոսական անհեթեթություն է։ Ես հպարտ եմ Սլովակիայով, քանի որ մենք դեմ ենք քվեարկել դրան… Ես նաև հպարտ եմ, որ Հունգարիայի հետ միասին մենք դատական հայց ենք ներկայացնում Եվրոպական հանձնաժողովի դեմ, որը կոպտորեն շրջանցել է այն սկզբունքը, որ այս դեպքում պետք է լիներ միաձայն որոշում», — ասել է Ֆիցոն երկուշաբթի օրը Սլովակիայի հեռուստատեսությամբ և ռադիոյով (STVR) հեռարձակված մամուլի ասուլիսում։
ԵՄ խորհրդի նախկինում հրապարակված հայտարարությունում նշվում է, որ այն վերջնականապես հաստատել է ռուսական հեղուկացված բնական գազի ներմուծման արգելքը 2027 թվականի հունվարի 1-ից, իսկ ռուսական խողովակաշարային գազի ներմուծման արգելքը՝ 2027 թվականի սեպտեմբերի 30-ից։
